Kryeparlamentari Kadri Veseli, njëherit lider i Partisë Demokratike të Kosovës, ka uruar haxhinjtë e Kosovës me rastin e rrugëtimit të tyre për në Mekë e Medine.

Përmes facebook, Veseli, ndër të tjera ka shtuar se edhe babai i tij ka kryer këtë obligim si një nga pesë shtyllat e fesë islame, njofton Klan Kosova.

’’Haxhilerëve tanë të dashur që nisen pas pak për në vendet e bekuara në Mekë dhe Medine, iu uroj shëndet, obligime dhe adhurime të pranuara si dhe kthim shëndosh e mirë në atdhe. Pelegrinazhi është njëra prej pesë shtyllave qendrore të fesë islame dhe im at tregon se për të ka qenë një ndër përvojat më fisnike e kuptimplote të jetës së tij. Prandaj iu dëshiroj të gjithë pelegrinëve shqiptarë haxh të pranuar si dhe lehtësim në këtë rrugëtim!’’